shatan nhkan

Myitrum manang ni, “Shatan Nhkan” ngu ai Ga shagawp shagun dat ai yaw. Mani shana ai Hangkai bum na M ni Myawk gap bun ai shiga,hkala nba hpa n byin ai lam na lu ai.Anhte a Share Ninghkring ni kaduk e gyem rawng tik tik rai ma yang ,Myawk kade gap bun tim n hkra ai,gara de poi mat wa ai lam kadai mung n chye tsun ma ai da ,Mauhpa chyeju rai sai i.Pangwa shiga awng padang dip ai lam na lu ai.KK singkaw npu e shim da ai gaw teng nga sai.Chyeju shakawn ga i. JIC Shatan Nhkan ¬ Htingbu Myenmung, Lawu ga jung; Shatan mayu, Hkyet-rung ai lu! ¬ Prat tup Du tai, Mungmasa n mai; Kaya kahpa, Htingbu shada. ¬ I hpe sat nat , Nhtang de chyat; I hpe yu kaji, Nhtang mani. ¬ Bungsaptsip zawn, Shuk shanut tawn; Masu ndum, Kapaw ga sum. ¬ Ne Win hkahku, Lwi hkrat ai ngu; Thein Sein ten du, Sharai n lu. ¬ Sharai magang, Grau she chyalang; Mungkan ting mu, Kaya ai lu! ¬ Iya malai, Karai htang ai; Hpang de grau na, Myit she htum ya. ¬ Ginchyum chyat sai, Ginrai sharai? Thein Sein myit ru, Gaja myit pu. ¬ Sharai shagu, Sharai n lu! Sharai magang, Chyat she shanang. Yi lu! Dau si madang du, Nhpru nmai pru! Tau myit dum tsang;la nngai lu‼ Shanglawt Tsing