Wednesday, September 19, 2012

PCG Hte Rau Rau

Myitrum manang ni,  PCG Hte Rau Rau”ngu ai  Ga shagawp shangun dat ai.Mani tup myawk kaba nsen ni ngoi ai. 17 ya jahpawt Lungrawk post kaw wa du kau da ai  ni, 11:00PM hta apyaw sha bai yu mat wa masai raitim, Nalung pa kaw sha wa but taw nga ma ai da. Mani Hkangkai bum kaw na 105 MM hte 9 lang, Manmaw bum kaw na 120 MM hte 6 lang LZ de shingte taw ma ai. Gap shingte masat ginra tam ai lachyum re nga masha kaba ni tsun ma ai. Yang chyu Rin ngu ai Miwa Kyit Hkai Du kaba wa gaw, “ October praw de grau madang shatsaw nna anut na masa nga ma ai” ngu maram tsun ai da. Gaja wa teng na masa nga ai gaw, Taimhu nnan Tun Tun Naung wa, Kampaiti maga na hpyenla yawng hpe MKA lam de kahkyin dat sai lam na chye lu ai. Ginjaw de man yawng na masa nga ai nga, maram nga ma ai.Kyu grau hpyi shaja nga ra sai. KK gaw anhte WP sha ni yubak mara kade lu tim, M ni nau zingri ai majaw, anhte akyu hpyi shagu madat ya nga ai. Hkum ngau shagu marai mi mung n ngam hkra, myit lawm hkum lawm kyu aja awa nsen langai hte sha jawm hpyi ga lu yaw.
            Kamhpa let,
                                  JIC
read more+++++
PCG Hte Rau Rau

Myit yu shara,
“ Peace Creation Group” rai nga,
PCG ni du shagu,
Sawa Myen mung ahkan du;
Maning mung dai hku mu,
Bawng ban shagu hpyen hkan du;
Moi ya mung Ginjaw e,
PCG mung she lawm le;
Mungkan ting na Wunpawng K’sa,
Laiza du nga aten wa;
Nalungpa e aging nut,
Sinat myawk m’hku she dingngut;
Asi asat gap sh’ru hkat,
Tai mang ni mung sumpum mat;
Ya mung PCG bai du,
Myen sawa mung bai shamu;
Laja- yang Lungrawk Myen post,
Lusha ni wa grai garut;
Masha sa galai masa,
Lusha ni mung sa sa ya;
Manap jau jau Lungrawk du,
KIA shingdang n lu;
Shana jang bai ginhtang sai,
PCG ni gara hku rai?
Myit yu shara she byin nga,
PCG a shingran wa;
Bri mat sai kun PCG?
Manau dum hkyen shiga ni;
Ndai daram hkrum tsin – yam,
Manau dum na ten n ram;
Mungmasha ni nep myiprwi,
Shawng lam pa de sai galwi;
Hkrap na shara hkrap lawm ra,
Kabu pyaw kaw she k’bu ra;
PCG hte arau rau,
Myen sawa ni hkan hkan hkrau;
Myit yu sh’ra she rai mat sai,
PCG ni bri sam sai………..
Shanglawt Tsing
(19.9.2012,12:00AM
)