Thursday, September 13, 2012

Kade Lang Anya Na

Myitrum manang ni, “ Kade Lang Anya Na” ngu ai Ga Shagawp  re yaw. 11.9.2012 shana de Hpakant Mawmau bum e gasat poi bai byin ai da.Pangwa jarit shadaw 6 de Htingchung na Miwa salang ni IDP Dabang de sa nna, Hpyen-yen salang ni hpe, “Nanhte Asuya hpe kam ai i? KIA hpe kam ai i? Asuya hpe kam ai rai yang, anhte kaw wa marit, Ra kaji ra kaba mahkra lajang ya na ga ai.” ngu sa ginlawm tsun ai shaloi, IDP salang ni gaw, “ Mi kaw na Asuya hpe kam ai rai yang, KIA ginra de n sa shingbyi wa na re.” Ngu kau dat ma ai da. Shaloi, Miwa salang ni,” Aw- e –e ,rai sai- rai sai” ngu nna wa mat ma ai da. Grai na n-gun lu ga ai. Akyu bai hpyi bun dat ga. Shada ga law hkat nna, bai gasat hkat mat mu ga i. Kyu hpyi n- gun la na shiga rai nga mali ai.
                                                                             Shana ai: JIC
Read more++++
Kade Lang Anya Na?

I Wunpawngsha ni wa!
Kade lang she anya na?

Hpyen masa grai byin tai,
Mungmasa gawng kya ai;

Aung San prat hta kalang,
Khin Nyut prat hte ‘hkawng lang;

Kade lang naw anya na?
Myit hkrum yang she mai na wa!

Aung San prat mungm’sa di hkrat,
Shaning 60 jan chyat mat;

Khin Nyut prat 17 ning,
Jiwa prat na kring mading;

Sut nhprang mahkra gamaw,
Num ma hpe roi rip shayaw;

La hpa loi sha pa n nang,
Kam ai hku zingri shatsang;

Yu roi dik ai BGF,
Tsadan laknak hkan kayep;

Wuhpung ni garan kau ya,
AIDS ana bra;

I n galu kaba hkra,
Lam magup hku dingbai wa;

Anya dik ai I Wunpawng,
Tsadan masing hta hkan nawng;

Ya K’lang bai anya taw gaw,
Sharai la na n loi maw;

Myit dum hprang ra sai le i,
Majoi mi hkum anya si;

Awmdawm lu na shingran ai,
Myit hkrum lam gaw ahkyak rai.

Shanglawt Tsing
(13.9.2012,12:40AM)